LEARNING PROCESS module from HTB بالعربي

طبعاً أنا اللي ملخص الموديول ومترجمه …وغير ملتزم بالنص وحاطط شوية حبشتكنات من عندي

طريقة التفكير:مجال السيكيورتي كبير وصعب جداً إن تتعلم كل حاجه فيه ,ومحدش عايز يفضل في نفس المنطقة اللي بيتعلم فيها (مش هتفضل طول عمرك تتعلم حاجه واحدة)؛ مثلاً: معظم لغات البرمجة متشابهة بنسبة كبيره ف أنت مش مضطر تتعلم كل لغات البرمجة اللي ف العالم عشان تبقا شاطر,انت محتاج تتعلم لغة برمجة واحدة تكون أساسية بالنسبالك والباقي هيبقا سهل إنك تتعلمه لو أتقنت اللغة اللي انت أتعلمتها دي, وانت بتتعلم هتقابل 3 أنواع من الناس:1- فاكر أنه عارف كل حاجه(مش عارف أي حاجه) ودا سيبك منه ,2- الناس اللي بتفهم فعلاً + التنانين بتاعتة المجال ودول الناس اللي المفروض تمشي علي خطواتهم بما يناسبك
إفتكر دايماً: إنك تكون محترم ومتكونش توكسيكو , دايماً افتكر انك بتبدء ب 0%نولدج عن المجال فا متقارنش نفسك بحد خالص لا تنين ولا لسه بادء , المجال كبير جداً وممكن إنك تفضل تتعلم فيه بقيت حياتك عشان كدا مهم جداً انك تختار توبيك تتقنه وتجيب منه فلوس وبعد كدا كل حاجه هتتعلمها هتزودلك مقدار الفلوس اللي بتكسبها؛إنما تعمل زي القرد اللي لسه مكتشف غابة جديدة وعمال يتنطط من شجرة ل شجرة ويروح من منطقة ل منطقة ب حجة إن الغابة مليانة فاكهة دا غلط
طور مهارة البحث, الطريقة اللي بتتعلم بيها والطريقة اللي بتستخدم بيها المعلومات اللي انت اتعلمتها عشان تطور المعرفة بتاعتك؛ مش هتكون بتاع سيكيورتي كويس(أو أي مجال عموماً )إلا لما تتدرب كتير,لو قرأت 50 كتاب ف السيكيورتي هتبقا عارف سيكيورتي بس مش هتعرف تسكيور (تحمي) حاجه؛أنما لو طبقت كتاب واحد بس وصححت غلطاتك واتعلمت منها كدا انت هتبقا بتاع سيكوتي بجد
إزاي أعرف اني بقيت كويس كفاية ف المجال ؟ بص محدش عارف كل حاجه زي ما اتفقنا, بس فيه شخص بيعرف يتعلم اللي هوا (تعلم كيف تتعلم) ودا كورس كويس جداً؛ولئن معظم الناس مبتعرفش تتعلم كويس ف عشان كدا مش كل الناس شاطرين كفاية, ودا لينك ل فيديو كويس بتاع أبو زيد عن تعلم كيف تتعلم

فكر خارج الصندوق : غالباً البساطة هي أفضل الحلول & أبسط تفسير هو غالباً الحل المفيد

الموهبة:طبعاً انت تعرف شخص او اتنين موهوبين جداً ف المجال دا اللي هما بنقول عليهم تنانين بيقدروا يعملوا ويسووا وولاد جِنّية بمعني الكلمة, ومعظمنا فاكر ان الناس دي مولودة كدا أو دي مهارة موروثه , وميعرفش الناس دي تعبت قد اي عشان يوصلوا للمرخلة اللي هما فيها حالياً, بس الحقيقة أنه بطريقة ما المهارة دي اتكونت عندهم أثناء تربيتهم(طبعاً بتكلم هنا عن المهارة الليي بتخليك شاطرتيكنيكل ) ف الفكرة هنا انك تقدر تنمي موهبتك في أي مجال لحد أما تبقا تنين بس الفكرة هل إنت عايز تعمل دا ولا؟؟

طريقة التعلم : الإحباط والأرتباك =(مش عارف أعمل اي) بييجوا من طريق ة نظرتك للأمور التعلم مش مجرد حاجه نظرية أنت اتعلمتها وهتطبق العملي بتاعها وخلاص ولكن طريقة التعلم ومستوي تقدمك واللي بالمناسبة بيتأثروا بحالتك المزاجية ,ف لو انت عارف هدفك ومشاعرك كويسه ف انت غالباً هتنجح, أعرف هدفك ومتخليش حاجه تعطلك؛مثلاً: انت حالياً يتتعلم برمجة أو نيتورك ف غلط جداً انك تسيب الكورس ف النص وتروح تبدأ كورس للثغرات أو نظم التشغيل ؛ ولكن حط الكورس دا ف الرودماب بتاعتك

التعلم بكفائة:طبعاً من المشاكل الكبيره ف المجال دا هيا كمية المعلومات المتوفرة +الريسورسز الكتيره جداً ولذلك أصعب حاجه ف الموضوع انك تجمع دا كله لصالحك ويكون من نقاط قوتك بدل ما يكون سبب ف تشتيتك زي الباقي ,ومن المشاكل برضو هوا إزاي تستخدم المعلومات اللي انت اتعلمتها دي
ولذلك أول حاجه لازم تعرفها إن الفشل مهم جداً لأي نجاح وإن الفشل لا يمن تجنبه وإن الفشل أساسي وجزء من التعلم أصلاً لأنه بيبني عنك خبرة كبيرة في التعامل مع المواقف الصعبة ,وعشان تبقى كويس في حاجه لازم تعرف إنت أصلاً بتعمل إيه كويس ودا بييجي مع الخبرة والتدرب ,يعني إنت اتربت قد إيه علي اللي إنت بتعمله دا

10%ومعناه انك بتقرأ أو بتمشي عينك ع الشرح ودا بيفيدك ب passive learning طرق التعلم : 1- ال
إنما لو اتفرجت علي فيديو وعليه رسومات توضيحية واسكتشات وكدا فدا بيفيدك ب30% أقصى حاجه
ودا بيحصل لما تتفرج علي الشرح وتجرب بنفسك علي التارجت active learning و2- ال
بشكل عملي وتشوف تجارب الناس وتناقشهم وكداودا بيخليك توصل ل 50% ودا أنت ممكن توصل ل75% بدمج الأتنين مع بعض

ودايماً وانت بتتعلم بص علي اللي انت اتعلمته والشوط اللي انت قطعته مش تبص علي اللي انت متعلمتهوش والي غيرك وصله وانت لأ ,بص انت قضيت وقت قد ايه ومستواك كان فين وبقيت فين حالياً بغض النظر عن اللي انت عايز توصل ليه ,ودا بتحسه لما تلاقي نفسك بقيت فاهم المصطلحات بتاعت المجال وفاهم الناس بتتناقش في ايه يعد ما كنت مش فاهم نقاشتهم ومصطلحاتهم وكدا

كيفية تخزين المعلومات : لازم دايماً تاخد بريك بين فترات المذاكرة حتى لو أنت بتستمتع بكونك بتذاكر لوقت كبير من غير راحة — >عشان البرن أوت (لو حابب تفهم اكتر كورس تعلم كيف تتعلم هيفهمك كل حاجه)

الأرادة : فكرة إنت داخل المجال ليه؟وداخل تعمل ايه؟الهدف النهائي؟لأن معظم الناس اللي بتخش مجالات التكنو بيجيلهم شلل فكري بسبب الخوف اللي عندهم من الفشل مع إنهم ممكن ميكونوش عارفين هما هيفشلوا في ايه,بس هما خايفين , ممكن من كونهم مش كويسيين كفاية ,أو خوفهم من عدم قدرتهم علي التعلم أو خوفهم من عدم الوصول لأهدافهم , ومع أول مطب خلاص بيسيبوا المجال!!مع إن دا سبب خوفه أصلا (أنه ميكونش مؤهل إنه يكمل فالمجال ) ف هوا يستبق الأحداث ويسيب المجال ويريح نفسه , وطبعا الفشل والأستسلام أسهل من المحاولة والنجاح

الهدف : فكرة انك عايز توصل للهدف بطريقة معينة إنت راسمها مسبقاً أو بخطة متخرش المياه ف دا شيئ صعب جداً , محدش من الناس اللي وصل لمكانة كبيره ف المجال ممكن يقولك إنه كان راسم الطريق ل نفسه عشان يوصل للي هوا فيه حالياً ,لازم تمشي مع التيار عشان توصل للمكان اللي انت عايزه ,أهم حاجه متبعدش عن الهدف اللي إنت عايز توصله وهتوصل ليه وهتزيد كمان

إتخاذ القرارات: متاخدش قرار الا وان تدارس الموضوع كويس ,وتكون عارف العواقب قبل المميزات , عارف الطريق أخرته فين,وكل ما هتعرف اكتر عن الحاجه اللي هتعملها كل أما هتكون قراراتك صح ,ولو انت مش عارف تاخد قرار ف تأكد إنك مدرستش الموضوع كفاية عشان تاخد القرار دا

التركيز: الشخص اللي محدد هدفه بيكون صعب انه بتشتت أن خلاص حدد هدفه واخد القرار انه يبدأ ف الوصول ليه ف بيركز علي هدفه بس وصعب إن حد يحبطه أو يشتته , ودا بيخليك أكتر كفائة وبيوصلك لهدفك أسرع

الأهتمام:(مبيطلبش فعلاً ) طبعاً اهتمام الشخص بيتغير علي حسب خبرته وهدفه واحتياجاته ,وبسبب موضوع الأتنشن سبان والحاجات دي , المفروض إنك تهتم بكونك مش مجبر علي اللي بتذاكره يعني حبب لنفسك التوبيك اللي انت بتذاكره ,لأن غير كدا هيأُر بالسلب عليك وغالباً هيحبطك , خليك دايماً مرتاح وجاهز إنك تتعلم قبل ما تبدا تتعلم

الراحة : فكرة الخروج من منطقة الراحة (الكومفرت زوون), انك تخرج من حالة انت نرتاح فيها وحاسس ب أمان ومفيش قلق ل حالة انت قلقان ومش عارف هترتاح ولا لأ ومش عارف الدنيا ماشية إزاي عشان بس تعلم وتجرب حاجه جديدة ؛فبالتالي الناس اللي بتخرج من منطقة الراحة بتوصل أسرع للي هما عايزينه , ولازم طبعاً تفهم انك هتقع دايماً في مواقف مش عارف حل ليها ,مواقف مش عارف تعمل فيها أي , ولكن هتتعلم حاجه جديدة والموضوع صعوبته بتقل تدريجي لحد أما يبقى عادي
:دا رسم توضيحي

العوائق :1- السبب الأهم اللي بيخلي الإنسان ميخرجش من الكومفرت زوون هو الخوف ؛ الناس ف الغالب بتخاف نت التغييرات والأشياء الجديدة بسبب إنهم مش عارفين دا هيضرهم ولا هينفعهم ف بيميلوا للأسهل اللي هوا ضرر وخلاص متوجعش دماغك ,ودابماً الناس بتخاف من المستقبل مع إن الخوف من الحاضر أهم بكتير ,التفكير الكتير بيخلي الموضوع أصعب والخوف أكبر وأكتر — >بص كدا اللينك دا ؛ الخوف من اكتر الحاجات الي بتمنع الأنسان من الأستمتاع بالأشياء الموجوده في حياته, ومعظم الناس اللي بتبتدي في مجال ما ببيخافوا دايماً من الفشل ,ولذلك لازم تسأل نفسك إنت خايف من إيه؟الخوف دا حقيقي ولا وهمي؟لأن ممعظم حالات الخوف بتكون بسبب تجارب سابقة والخوف من تكرارها عشان مدا قولنا قبل كدا إن الفشل شيئ لابد منه عشان تنجح

التساؤل : إتعلم تسأل السوؤال الصح عشان بيفرق جداً , يعني مثلاُ انت ممكن تقول للشخص أنا عايز اتعلم بنتست أو ممكن نقول للشخص أنا كنت باك ايند ودرست نيتورك وعايو أتعلم بنتست (مثال ب ربع جنيه ) ولذلك بيقول إيه بقا : الأصعب من إنك تلاقي الحل الصح هوا أنك تعرف السؤال الصح

التعامل مع الإحباط:الإحباط حالة من العجز ,وطبعاً درجة الإحباط بتبقى علي حسب التوفعات والرغبات` بتاعتنا ,الإحبط بيكون بسبب خارج عن أرادتك (في الغالب ) أو داخلي (بسبب أفكارك) , كل واحد فينا عنده قدرة علي تحمل الإحباط وبتختلف من شخص للتاني, واللي بيستسلم الأخر هوا أكتر حد ممكن يوصل لهدفه ,والناس اللي معندهمش قدرة علي التعامل مع الإحباط بيستسلموا بسرعة لما تقابلهم مشكلة أو ميحققش اللي هوا كان عايزه ؛ ودي مهاردة ممكن تتطور عادي, بدليل إنك ممكن تشوف شخص بيتحمل حاجه إحنا منقدرش نتحملها -> بص كدا عالجدول دا

الإحباط غالباً ما بيكون بسبب نقص الريسورسز وغالباً في مجالنا بتكون المعلومات اللي بنشتغل علي أساسها وبالتالي ضروري إنك تسيرش وتجيب المعلومات دي بنفسك , وطبعاً الشعور بالإحباط هنا بيكون علي حسب درجة مهارتك في البحث , ومتنساش طبعاً إن الشعور بالإحباط دا مؤقت يعني هيمر وطبعاً إنت ف ي اللحظة دي بتحس إن الدنيا خلاص هتفضل سودا وبتتعامل معاه بطريقة غلط , والصح هنا إنك تفتكر دايماً إن دا شعور مؤقت وإن الخبرة اللي انت هتاخدها من الموقف والشعور دا أكتر بكتيير مما كنت تتخيل , وطبعا دا كله بنتكلم علي الإحباط الداخلي & الخارجي بقا لو بيأثر فيك بالسلب وبدرجة كبيره ف انت عندك مشكلة كبيره

مستوي التقدم في التعلم :ودا أهم جانب من جوانب التعلم ولازم تاخد بالك منه جداً عشان دا اللي بيحددد إنت ماشي صح ولا لأ , ودا بيكون عن طرق إنك تقارن مستواك كل فترة أقلها 3 شهور , وانت الوحيد اللي ممكن تحسب الموضوع بدقة لإنك الوحيد اللي مريت بكل جوانب الموضوع وفاهمه للدرجة اللي تخليك تحكم علي نفسك , وحتى لو حد مشي نفس الطريق معاك فإستحاله إنن يكون مر بكل اللي إنت مريت بيه

إختصاراً : وصولك للنجاح اللي انت عايز بيتطلب وقت ومجهود كبير ومذاكرة وتعب وقلق وكل العوائق , ف انت لازم تفتكر إن محدش بيوصل للدور العاشر من غير ما يطلع أول سلمة ثم اللي بعديها ثم اللي بعديها لحد أخر سلمة وأخر خطوة , مفيش أسانسير إنسي كل الشورت كات وكل السبوبات اللي هتخليك ناجح ف كام يوم أو كام شهر , محدش بينجح نجاح حقيقي بييجي بالساهل عشان النجاح دايما مُتعب لحد الوصول ثم بيبدأ الدلع بقا , الفشل لابد من ههتفشل مرة واتنين وتلاتة وممكن ترجع للصفر ومن أول وجديد ولكن ضروري إنك نكمل وتستمر وتلتزم , ومدي سرعتك في الوصول لهدفك بيحدده طوحك يعني هتعرف تطلع كام سلمة ف اليوم , طبعا بعد فترة من الزمن ومن التعب والإرهاق هتكون منبهر باللي إنت حققته وباللي وصلتله